Asedio sexual no nia impacto sira

 

Husi: Ireniu Viriatu Pires Martins

Abuxo sexual iha decada sira ikus laos ona novidades foun  ba sosiedade atu discuti, iha ambito ida ne’e, Estudante, joventude, intelektual no kamada sosial sira hotu preokupa no preokupa duni. Ho nune’e, iha ensaio ida ne’e ita sei hare’e hamutuk forma de abuxo sexual ne’ebe akontese no nia impacto  ba sosiedade espesificamente ba feto no labarik feto sira.

Termu asédiu seksuál abranje hahalok oioin, hosi asaltu verbál to'o abuzu seksuál no asaltu seksuál. Asédiu seksuál bele akontese iha fatin oioin, inklui iha serbisu fatin, iha uma, iha eskola, iha igreja, no seluk tan. Ema ne'ebé halo asédiu no ema ne'ebé hetan asédiu bele iha jéneru saida de'it. Tuir lei atuál barak liu, asédiu seksuál maka ilegál, maibé, jeralmente la bandu wainhira iha namora simples.

Iha ninia sentidu ne'ebé rigorozu liu, termu ne'e refere ba tipu koersaun seksuál ne'ebé jeralmente pratika hosi ema ida iha pozisaun ierárkika superiór  hasoru subordinadu ida, (maske bele mós akontese kontráriu), normalmente iha serbisu-fatin ka ambiente akadémiku. Asédiu seksuál karakteriza ho ameasa ruma, intimida  ka ostilidade hasoru subordinadu ida ba objetivu ruma.

Iha kontexto ida ne’e, Ita presiza hare’e katak  asedio sexual ne’e se mak pratica no oinsa nia impacto ba sosiedade, Espesificamente ba feto no labarik feto sira, Asedio sexual akontese iha espasu publico liu-liu ba sira iha nivel superior  ba nia  subordinado hanesan iha escola, igreija, Universidade nst.

Asédiu seksuál maka hahalok seksuál ne'ebé la dezeja hodi hamosu moe, intimidasaun, ka umillasaun, ne'ebé kauza liu-liu hosi maskulu estruturál no relasaun podér ne'ebé la hanesan. Ida-ne'e bele manifesta iha maneira oioin, inklui asédiu verbál, fíziku, vizuál, xantajen, no online, ne'ebé hotu-hotu prejudika ema ida nia dignidade. Jeralmente envolve asaun verbál ka fíziku sira ne'ebé maka ultrapasa limite sira konsentimentu nian no viola integridade no respeitu ema seluk nian. Vítima sira hosi asédiu seksuál bele hosi jéneru saida de'it, maski feto sira maka komún liu. Asédiu seksuál karakteriza ho intensaun atu impoin podér, kontrolu, no umillasaun, hodi la konsidera moris-di'ak no direitu ema seluk nian.

Publico akompanha situasaun  ne’e, Asedio sexual ne’ebe akontese iha universidade laos foin  akontese,  fila-fila ona ona maibe tanba vitima sira la brani koalia sai tanba moe, tauk la gradua, la hetan valor, hetan presaun, la iha apoiu, la iha motivasaun no la iha espsu dignu, maibe la siknifika katak nonok ne’e konkorda, ho tipo sira ne’e hotu mak halo estudante balu la koalia sai wainhira sira vitima direita no indireita iha kampus ne’ebe komete husi individu balu ne’ebe uza nia poder no autoridadade hanesan dosente hodi impoin.

Kampus mak espasu ida ba tranformasaun siensia no konesimentu ba malu atraves de dialetica no democrasia ne’ebe seguru ba estudante ho dosente sira, iha ne’ebe, estudante sei foti papel ida importante hodi esplora siensia no konesimentu  ne’ebe sira hetan hodi sai hanesan arma  poderoso atu hateke ba oin, iha tempo hanesan dosente mos desempenha nia papel ida importante atu prepara materia ho metodo aprosimasaun ida ne’ebe diak atu transmite siensia ne’e rasik ba estudante sira no mos  prontu simu kritika sira ho responsabilidade no kontinua to semeter ida ne’ebe tuir regulamento akademico define ona no sem interferensia ruma iha laran atu obriga no impoin estudante ida wainhira fora husi regulamento academico ne’e laos ona buat normal maibe iha tendensia ba pratica hahalok sira ne’ebe la tulun no ajuda estudante hodi dezenvolve nia konesimento ho dalan ne’ebe seguru.

Normalmente, dosente ida desepenha nia papel, laos deit hare’e husi historia no dedikasaun maibe mos hare’e  grau academico, tuir regra ensino superior, dosente ida minimo tenke mestrado no doutoramento, sicnifica katak pessoal ne’e iha  duni merito  no laos deit siensia maibe hatene ona halo dizernimento no coloca sasan tuir nia fatin.

Wainhira nia la conseque halo ida ne’e mak la merese bolu manorin ga professor maibe nia merese bolu predator sexual  “Terorista sexual” tanba viola ona prosedimento administrativo no viola mos codigo de conduta hanesan dosente nian iha ambiente universidade.

Iha ambiente universidade ezize harmonizasaun, seguru, transparensia, igualidade no partisipativu, la iha bareira ambiental no institiuisional ba estudante sira. Wainhira dosente nia la desempenha nia papel didiak mak sei afeta ba creabilidade instituisaun no mos estudante sira sente la sequru hodi hala’o prosesu aprendisagem  no deside abandona aula, transferensia, no repete semester no la iha vontade diak atu aprende no esplora siensia ho diak.

Dalabarak akontense violénsia seksuál liu-liu iha espasu publico   feto sira mak sai vítima, enkuantu mane  maka dala barak liu sai autór . Tanba ne'e, komprensaun kona-ba violénsia seksuál labele dissosia hosi maneira sira ne'ebé estabelese ona iha istória atu konsebe jéneru feto nian, ne'ebé orienta iha sosiedade hosi orden jéneru patriarkál, ne'ebé atribui ba feto sira valór sosiál negativu ida.

Iha caso ida ne’e, bolu atensaun ba instituisaun publico sira ne’ebe responsabiliza hodi bolu individu ba responsabiliza nia aktu ne’ebe nia halo, prosesa tuir dalan legal, justo no transparente iha prosesu tomak no ezize publico hatene nia prosesu.

 

 

 

 

 

 

 

Referencia Bibliografia

Paula Keiko Iwamoto Poloni1 Nataly Correia da Silva,Sexual harassment in federal universities:  reflections and challenges in university culture: Acesso em 08/10/2025

 

CAROLINA LAURENT, AMANDA  OLIVEIRA DE  MORAIS, Sexual  violence in the university context: A possibility of analysis at the level of cultural contingency. Acesso em 08/10/2025

Gomes M. Assédio sexual no meio universitário: formas de resistência e mobilização: Acesso em 08/10/2025

 

Assédio sexual – Wikipédia, a enciclopédia livre

https://brasilescola.uol.com.br/sociologia/assedio-sexual.htm

https://brasilescola.uol.com.br/sociologia/assedio-sexual.htm